U3F1ZWV6ZTQ2NzkwNzk5NDEwMTlfRnJlZTI5NTE5NjgyMzA2MzE=

دليل مدارس المتفوقين في العلوم والتكنولوحيا STEM ستيم .. كل ما تريد معرفته

من الممكن أن تكون قد سمعت عن مدارس ستيم STEM خصوصًا في المسابقات والمعارض العلمية، أو للطلاب مسجلي براءات الاختراع.

أنشئت مدارس STEM في إطار اهتمام الدولة برعاية المتفوقين في العلوم والرياضيات، نظرًا لاهتمام الدولة بمجالات العلوم المختلفة، ورغبة منها في زيادة عدد المبدعين في البلاد.
كيفية التقديم لمدارس ستيم

بداية مدارس ستيم في مصر واماكن التواجد

بدأت المدرسه الاولي عام  2011 في مدينة السادس من أكتوبر بمحافظة الجيزة للبنين ،  وتم بعدها افتتاح مدارس المتفوقات في زهراء المعادي بمحافظة القاهرة في عام 2012 للبنات ، وبعد نجاح التجربة بداء التوسع في مدارس ستيم عام 2016 وأنشأت سبع مدارس للمتفوقين في العلوم والتكنولوجيا واصبح لدينا اليوم 
مدرسة المتفوقين بالإسكندرية بمنطقة برج العرب
مدرسة المتفوقين بالعلوم والتكنلوجيا بمحافظة أسيوط بمدينة أسيوط
مدرسة المتفوقين بالعلوم والتكنلوجيا بالأقصر بمدينة طيبة
مدرسة المتفوقين بمحافظة البحر الأحمر بالغردقة
مدرسة المتفوقين بالعلوم والتكنلوجيا بمحافظة الإسماعيلية بالمجمع التعليمى
 و مدرسة المتفوقين بمحافظة كفر الشيخ بمدينة كفر الشيخ
 مدرسة المتفوقين بالعلوم والتكنلوجيا بمحافظة الدقهلية بمدينة جمصة
وبدأت مدارس المتفوقين في محافظتي الغربية 
والمنوفية في العام الاخير وتم التعهد من الدوله بافتتاح مدرسه في كل محافظة
 وتتفق كل المدارس بنظام تعليم ستيم المتبع

فيديو تعريفي بالمدرسه


هدف مدارس ستيم STEM

لم يكن اختيار اسم مدارس المتفوقين STEM اختيارًا تلقائي، فالاسم المختصر يشمل الحروف الاولي للمجالات التي يركز عليها : Science، Technology، Engeneering، Maths وبذلك يتضّح هدف تلك المدارس، الذي يشمل:

تحقيق التكامل بين منهج العلوم والرياضيات والهندسة والتكنولوجيا مما يكشف عن الارتباط بين تلك المجالات
تطبيق مناهج وطرق تدريس جديدة تعتمد على المشروعات العلمية 
إعداد طالب قادر على التصميم والإبداع والتفكير النقدي
إكساب الطلاب مهارة التعلم التعاوني
إعداد طلاب مؤهلين للتعليم الجامعي والبحث العلمي

شروط وإجراءات الالتحاق بمدارس المتفوقين STEM

يمكن الالتحاق بالمدارس  لخريجي المرحلة الإعدادية أو الطلاب الذين لا يزيد عمرهم عن 18 عامًا عند التقدم للمدرسة

يجب على الطالب الراغب في الالتحاق  بالمدرسة أن يجتازاختبارات للقبول قبل الانضمام بالمدرسة.
ومن اهم الشروط للتقديم لي اختبارات القبول:
حصول الطالب على نسبة 98% من المجموع الكلي في امتحان الشهادة الاعداديه
الدرجة النهائيه في مادة واحدة على الأقل من مواد (اللغة الإنجليزية- الرياضيات- العلوم)
او
حصول الطالب  على نسبة 95% من المجموع الكلي في امتحان الشهادة الاعدادية 
والحصول علي  الدرجات النهائية في مادتين على من الأقل من مواد (اللغة الإنجليزية- الرياضيات- العلوم).

وفي حالة عدم اسيتفاء الشروط فيمكن السماح للطالب بدخول الامتحان بعد تقديمه ما يفيد رسميًا بحصوله على براءة اختراع من أكاديمية البحث العلمي.

يتم إجراء الامتحان إلكترونيًا عبر اللجان الإلكترونية التي تحدد مقرها الإدارة المركزية لنظم وتكنولوجيا المعلومات، ويتم إعلان المقرات عبر الموقع الإلكتروني للوزارة. 

أما إجراءات التقدم للامتحان واختبارات القبول فيتم الكتروني :
فيتم عن طريق موقع وزارة التربية والتعليم http://moe.gov.eg/stem/
1ـ تسجل استمارات التقدم إلكترونيًا من خلال الموقع الرسمي لوزارة التربية والتعليم والتعليم الفني
2-طباعة استمارات التسلم
3- تسليم الورق لي الادارة التعليمية التابع ليها مدينتك مع ارفاق الاوراق المطلوب ويتم توضيحها في موقع الوزارة
الاوراق المطلوبه 
لصق صورتين شخصيتين حديثتين للطالب على استمارة التقدم.
- صورة طبق الأصل من الشهادة الإعدادية.
- صورة طبق الأصل من شهادة الميلاد.
- إيصال تحصيل الرسوم الدال على السداد.

4-متابعة موقع الوزارة والصفحات المهتمه لمعرفة ميعاد الامتحان وظهور ارقام الجلوس ويتم الظهور علي نفس موقع التقديم
5-الذهاب للامتحانات وانتظار نتائج القبول وقائمة الانتظار في حالة عدم القبول
وللمزيد من التفاصيل >>اقراء ملف التقديم من هنا

اختبارات القبول

 بتبقي عبارة عن اسئلة عامة 
  بعد استيفاء الشروط وتقدم بتروح تمتحن في  المكان اللي بيتحددلك لما يظهر رقم الجلوس
  اختبارات القبول دي اتعملت عشان يعرفوا هل الطالب دا مستواه الذهني يقدر علي مناهج المدرسة ولا لأ 
 *الاختبار درجته مش بتحدد مستواك في المدرسة او الدراسة * 
الاختبار بيتكون من ٤ اختبارات ( رياضة - علوم - IQ - لغوي) 

نظام الدراسه بمدارس ستيم


مبدئيا انت معندكش كتب وزارة تصمها وتحطها في الامتحان  لو انت متعود علي كدا يبقي متقدمش احسن 

انت بتدرس 12 مادة في سنة اولي (عربي - انجليزي - لغة تانية *فرنساوي او الماني* - دراسات *بتدرس مكانها تربية وطنية في تانية* - كيمياء - فيزيا - جيولوجيا - ميكانيكا - أحياء - رياضيات وبعدين في الكمبيوتر والدين ودول مش بيتضافوا علي المجموع )


المواضيع اللي بتدرسها بتكون في نظام خاجة اسمها learning outcomes
 دي بيكون فيها اسامي الدروس اللي عليك وانت بقي بتعمل سيرش مع نفسك علي المواضيع دي

 وتذاكرها من المراجع واليوتيوب ومواقع التعليم المختلفه

نظام الدرجات للمواد بيكون كالاتي

10% اعمال سنة وغياب ... 24% عملي وامتحانات الترم ... 6% ميدتيرم ... 60% الكابستون 


الكابتسون و المشاريع العلميه للطلبه


ما هو  الكابستون  ؟ الكابستون مشروع بتنفذه كل ترم بتطبق فيه الحاجات اللي اتعلمتها في الدراسة وكل ترم بيحددلك مشكلة او اتنين من المشاكل اللي بتواجه مصر وبيكون دا الموضوع اللي بتنفذ علي اساسه مشروعك

الكابستون في سنة اولي وتانية بيكون عليه 60% وفي تالتة 11% وكسر 

*كابستون تالتة بيكون الترم الاول بس يعني مفيش ترم تاني * 

الكابستون من اساسياته العمل الجماعي 

الكابستون بينقسم لاربع حاجات *جورنالز - بورتفوليو - بوستر - بروتوتايب*

الجورنال بيكون الحاجة الوحيدة الفردية في الكابستون بتاعك 

 ودا بيكون عليه امتحان كل ١٤ يوم بيشوف مدي تطورك في المشروع واذا كنت شغال ولا لا 

البورتفوليو دا بيبقي زي البحث بتاعك بتبقي كاتب فيه كل حاجة متعلقة بالمشروع بتاعك من الالف للياء 

البوستر ودا اهم حاجة بيكون تلخيص للمشروع كله وبيكون معاك يوم العرض وهو اللي بيكون عليه اغلب التقييم

البروتوتايب ودا النموذج العملي للمشروع بتاعك 

وهتعرفوا حاجات تاني لما تدخلوا المدرسة بس دي فكرة عامة عن الكابستون 


مصروفات مدارس المتفوقين STEM

تختلف المصروفات تبعًا للمدرسة التي حصلت منها على شهادة إتمام التعليم الأساسي، فإن كانت المدرسة حكومية تكون المصروفات ألف جنيه فقط لا غير للعام الدراسي ، أما إن كانت المدرسة خاصة فتكون المصروفات مساوية لنفس مصروفات الصف الثالث الإعدادي. وتُدرج المصروفات بالجنيه المصري عند الإعلان عن فتح باب التقدم.

ولا يقتصر وجود مدارس STEM في مصر فقط، إنما تنتشر تلك المدارس في أستراليا والمملكة المتحدة والولايات الأمريكية المتحدة والهند ونيوزيلاندا،  وتعتمد جميعها على المناهج قابلة التطبيق والمعتمدة على المشاريع في كل فصل دراسي.





ليست هناك تعليقات
إرسال تعليق

إرسال تعليق

الاسمبريد إلكترونيرسالة